Omongina oyomo naitwa Nyamira ase ogokagerwa koba omorogi


abaobisa ba abanyanyimbo ime ya nyamira bachakire obotuki igoro yo ogokwa kwo omongina oyomo bwe emiaka 60 oitwa emambi ya rero na abanto bamokagera koba omorogi ase ekenyoro gia kenyambi bundo ime ya bogichora.

koenekia egekore ekio omo commissioner bwe ecounty ya nyamira amos mariba nigo ateba buna nyagosira agnes kwamboka nyagwachi nigo asaganwa na gotigerwa chingoma chie emioro na abakagerwa abwo na magega yaye omobere oye onyorekana obware bwe chimita 50 korwa ase enka yaye.

mariba nigo ateba buna omosacha bwo omongina oyio peter nyagwachi nyamongo nigo abatebia abanyanyimbo buna abanto amanyete buya mono nigo baika ase enka yaye chinsa 9 chie emambi ya rero na komosokia mokaye isiko ase korende atamanyeti ase baamoira goika emambi ya rero chingaki omobere oye onyorekana.

omobere o nyagosira nigo oirwa ase enkendu ye enyagitari enene ya nyamira.