Obotutukanu igoro yo ogokwa kwo omwana oiborwa Nyamira


Obotutukanu imbwaenekigwa omogaso orero ase enyagitari enene ya Nyamira magega ye eamate eyemo korwa ase ekenyoro gia kiabiraa ime ya west mugirango ecounty ya Nyamira goteba buna eyaegwa omwana okwete otari obo magega yo omosubati obo koibora omwana ase enyagitari eyio.

Korengana na Alice mongare oyio ore ngina biara omosubati oyio oiborete ase enyagitari eyio, abanyagitari be enyagitari eyio ebabaonchoreria omwana oyio na goteba tibatebiri kende igoro yo ogokwa kwo omwana oyio orenge moyo chingaki aiboretwe goetera enchera yo okobarwa obotuko bwo ogokiera rero.

Boigo Edwin mongare oyio ore ise omwana oyio nigo ayegania eserekari gwesoia gati koenekia buna inkonyora bare oboene.

Nonya nabo omonyagitari omonene ase ecounty eyio Dr silas Ayunga nigo akanaa amangana ayio na goteba omwana oyio nigo abwate omochaando bwo okweyana ekero aiboretwe ase abanyagitari batemete gokonya obogima bwaye korende agakwa ekero abekire chimachine chio obogwenia ime ase korende ancherana buna ebanyoretwe kobamanyia abanto be eamate eyio igoro yo ogokwa kwo omwana oyio emambi ya rero.