Ntaano cia aiyi Marsabit kwangaratania mathomo


Kalenda ya mathomo yaumba kuringika anene kaunty ya Marsabit kwambiria mweri wa yiiri mwanka uyu kuumania na mutaratara wa gutaana aana ba twiyi, mutaratara ura uruthikaga nyuma ya mianka 15.

Kulingana na mwarimo munene wa cukuru ya pry ya Loruko wadi ya Karare gishigo gia Saku Christopher Lenure, baingi ba aritwa ibakuirigiirwa kuthi gutaanwa ara bathukagia kagiita ka mieri itakunyira ithatu.

Lenure augiite ta arimo na kinya atongoria ba nteere inu, batiumba kurungika untu bubu kuumania na miri imirito ya untuire kaunty ya Marsabit.

Amwe noogu, minista munini wa kithomo aaga nthiguru Mumina Bonaya augiite ibakwaraniria na migongo ya kaunty inu amwe na kamishna kwona bura untuire bubu bukaathi mbere na butakwangratania anene mathomo.