Nkucanio gatagati ka gavana wa Kirinyaga Waiguru na MCA ba kaunti iu kwerekithua kiri bajeti


Nkucanio gatagati ka gavana wa Kirinyaga Anne Waiguru na abunge ba kaunti iu nandi nicierekithitue kiri bajeti.

Bubu ni nyuma ya MCA kunyiia mugao jwa mbia cia mantu ja watho kuuma shilingi milioni 59 iria irendekithitue ni Waiguru mwanka shilingi milioni 1.

Nayo obici ya mwandiki wa kaunti Joe Muriuki niyathuriri shilingi milioni 1 aki kuuma shilingi milioni 111 iria irendekithitue.

Kuringana na mukariri giti wa kamiti ya bajeti David Mathenge, obici ya munini wa gavana Peter Ndambiri uria utithiritwe na urumwe na Waiguru mono kumana na rwaria rwa kumweberia niyathuriri ni MCA bau shilingi milioni 15.6.

Bubu ni nyuma ya gavana Waiguru kunenkanira bajeti iu mbungene atiathuririte obici ya munini wawe noo mbi.