NHIF OK BI CHUDO NE JOTUO KORONA


EN GIMA KORO OYANGORE NI JOGO MANIGI MIDHUSI MAR CORONA OK BI CHUNGNEGI GI OKUMBA MAR THIETH MAR NHIF. APISA MADUONG MOCHUNGNE NHIF PETER KAMUNYO WACHO NI WACHO NI EN CHIK MAR RIWRUOK MAR NGIMA OGANDA E PINY NGIMA WHO NI KAPONI MIDHIERO MADUONG KAKA CORONA OMUOCH E PINY, TO OKUMBA KAKA NHIF OK NYAL CHUNG NE THIETH KITIYO GI OKUMBA MAG THIETHGO.

NOLERO NI MAERI LUWORE NI KWAN MAR JOK MANYALO DWARO THIETH KOKALO KUOM OKUMBA MAG THIETHGO NYALO BEDO MALO MOKALO.

KAMUNYO MANODAA DHOGE GI KAMATI MAR OD BURA E WI THIETH MANOTELNE KOD JAOD BURA SABINA CHEGE, NOWACHO NE KAMATINO NI JOK MANIGI MIDHUSI MAR CORONA THOTH MOKALO NYALO MAR OKUMBA MAR THIETHNO KENDO NI KAPONI ONEGO OTII GI NHIF, TO PINY OWACHO ONEGO OMED OMENDA E AGULUNO.

NOLERO NI KAPONI PINY OWACHO OMIYOGI SILING BILLION 9, TO NYALO MANA KONYO JOK MANIGI KORONA KUOM DWECHE ADEK KENDE.

KATA KAMANO JOOD BURA KOTELNEGI KOD JAOD BURA MA CHERANGANYI JOSHUA KUTUNY, NE DWA NGEYO KAKA KWAN OMENDA MAROMO SILING BILLION 26 MANOMI AGULUNO OSETIYO NYAKA SANI.

JAOD BURA MA KIMININI CHRIS WAMALWA, NOWACHO NI NHIF OTENORE MANA NYAKONCHIEL KENDO GICHUDO MANA E OSIPTANDE MA PINY OWACHO KA MAGO MAG JII GI WEGI KOD MAGO MOCHUNGNE KOD KANISE TO OK CHUL. NOWACHE NI UTE MAG THIETHGO WANDHO NHIF OMENDA MAROMO SILING BILLION 8 CHAKRE HIK OMENDA 2018/2019