Ngwataniro ya ahunjia kuregana na ndereti ya uciari


REPRODUCTIVE HEALTHCARE BILL

Ngwataniro ya makanitha bururi ini, niureganite na njira nene na ndereti ya watho wiigie uciari iria iri mbere ya bunge ya Senate

Matongoretio ni athikabu Kepha Wamae na Mark Kariuki, nimoritie bunge ya senate, ndikanahitukie ndereti ino, iria irikitie guthomwo ria keeri, makiuga nirathii mugaru na unduire na mitugo

Ndereti ino itemanitio ni Senator wa County ya Nakuru, Susan Kihika, na hamwe na maundu maria yendekithitie, ni ciana kwambiriria guthomithio githomo kiigie kwimenya na maundu megie ndugu cia wendo marina miaka 10

Maundu mangi ndereti ino ihutitie ni uruti wa nda kuri atumia aria mangikorwo hatika ini, undu umwe na kugitira atumia makiria ari mari wathe na aria mari na murimu wa mukingo, aria kaingi mabangithagio uciari mugaru na wendi wao

Indi ahunjia aya marauga wona ndereti ino yahituka, niikuhe mweke gutherema kwa ndugu cia hura umwe

Oho makiagithia kiene ithabu riria ririga kurutwo rikionania uria makiri ma ciana nini cia airitu iria iri micii riri mathukuru mahingitwo, ciohithitio nda kundu gutiganite bururi ini