Ngire Nyong’o oyango ni chenro mag gedo mar Kisumu City koro osehikore


Governor ma Kisumu ngire Anyang Nyong’o koro wacho ni chenro manyien ma gin godo mar gedo mar Kisumu City koro osehikore ni kendo ibiro tere e nyim bunge mar County ma Kisumuno mondo bungeno odhi opuodhe

Kanomedowuoyo ewii wachno ngire Nyong’o nowacho ni chenrono mabende osebed ka ihiko wachne kuom higa achiel mangima koro sani en chenro mong’ith mabirokonyo e dongruok mar Kisumu City

Nowacho ni City ma Kisumuno birobedo kod lokruok maduong nikech gibirobedo kod chenro mag ng’eyo ni kamoro ka kamoro e bomano onegobed ni igeroe ang’o kata iketoe ang’o ma diting malo weche mag dongruok mag bomano

Kanowuoyo eseche mane oyawoe ayanga sitols 700 ne jo ohala ma Kisumu mane oger kod joka World Bank , ngire Nyong’o nowacho ni chenro mag gedo mar Cityno ne osechan chon makoro gima odong ma idwatimo gie sechegi en mana keto chenrono e tim

Jatelono ne osingone oganda ma Kisumu ni jong’e ni e bwo loch mare boma ma Kisumuno ibiroger e yoor lony manyasani maonge kiawa