Ngigi kugumira icigo nyingi county-ini ya Kirinyaga


Ngigi iria cikoretwo igicungiriira mwanangiko munene migunda-ini ya andu icigo-ini itiganiite guku bururi-ini riu niciongererekeete na njira nene na gutherema icigo-ini nyingi makiria.

Na miaraho ya umuthi itutu cia ngigi nicihobaniirie migunda ya andu county-ini ya Kirinyaga ciumiite mwena wa Mbeere county-ini ya Embu.

Ngigi icio ciambire kuumba ituura-ini ria South Ngariama na thutha ucio ciahithukira location cia  Murinduko, Nyangati,Kutus hamwe na matuura mangi maria marigiciirie.

Andu a matuura macio maugiite ngigi icio citharikiire thaara hamwe na miraa mwena wa South Ngariama na Murinduko,,,chibu wa South Ngariam Simon Muthike na murunawe wa Murinduko Joseph Kariuki Ndege makiuria muingi wuikare wihugiite niguo kuhotomia ngigi icio gucungiriira hathara nene.