Ngavana wa Embu Martin Wambora kuga utethio wonthe wa kurumbugia murimu wa Covid 19 ugatumirwa wega


Ngavana wa county ya Embu Martin Wambora niurutite kiraniro kwi mwingi wa Embu na kuga indo iria ikarutwa ni thirikari na andu a wendi mwega na mworoto wa kurua na murimu wa Covid 19 , igatumirwa na njira ya waragania na gukinyira andu aria maravatara. Ngavana Wambora augite maritwa ma andu aria maravata utethio, maritwa mao makandikwa ni machief na Ward administrator tondu nio maratambura aria maina thina. Wambora augite kamiti ya kurua na murimu wa Covid 19 iria nike mwene giti vamwe na county commissioner Abdilahi Galgaro, niyo iramukira utethio.