Ngavana Mandago gutetera borithi iguru ria kuhuthira hinya magithingatithia curfew


Ngavana wa kaunti ya Uasin Gishu Jackson Mandago ni ateteire maabithaa a borithi aria makoretwo makinyamaria muingi hindi ya guthingatithia watho wa kabiu.

Mandago akinyiriirie kuga andu othe mabatii gwathikira watho wa thirikari na guikara micii gatagati ga thaa imwe cia hwaini na thaa ikumi na imwe cia kiroko.

Miario yake yukite ona thutha wa borithi gukuruhanio na njuragano cia andu matanyihiire atatu na kuguraria angi aingi, undu uria ucungiriire mabithaa ana mwena wa Nakuru kurugamio wira.