Nditimurano mwena wa Kirinyaga iguru ria ndereti ya kuhagura ngavana Waiguru


Nditimurano cia utongoria mwena wa Kirinyaga no irathii na mbere, iguru ria ndereti iria iraariirio kiumia giukite ya kuhagura ngavana Anne Waiguru.

Aracukirwo mahitia ma ungumania na uhuthiri muru wa wabici, na atanyitwo kunengerwo thitango iria imugumiire mbere ya ndereti iyo guthaganio.

Hau kabere kamishna wa Kirinyaga Jim Njoka ni aathanite ajumbe matigathii mbunge iguru ria ugwati wa murimu wa Covid 19, no speaker Anthony Gathumbi aragithia kiene watho ucio.

Indi utongoria wa kiama kia Jubilee ukioneka kurugama na Waiguru, thutha wa mutongoria wa aria aingi Kamau Murango kuhagurwo.

Na riu muikariri giti wa kiama kia Jubilee mwena ucio Mureithi Wakang’ara arendekithia ajumbe ikumi na umwe a guthukio matukunyithio iturwa ciao niundu wa kuregenyuka murugamo-ini wa kiama.

Mutabariri wa ndereti iyo David Kinyua wa Wangui ni aagithitie kiene ritana ria kumithengia giikaro-ini.

Mbunge ya Kirinyaga ikoragwo na ajumbe mirongo itatu na atatu, kuri ikumi na atatu makoragwo mari a guthukio.

Hari ajumbe acio Waiguru aranyitwo mbaru ni ajumbe atandatu, eri mari a guthukio.