Ndingi Mwana a’Nzeki kuririkanwo ni athami a mbaara mwena wa Molo


Uria waari muthikabu wa kanitha wa Catholic Rapheal Ndingi Mwana a’Nzeki ni aririkanitwo na njira ya mwanya ni aikari a itura ria Kapsita mwena wa Molo kaunti ya Nakuru.

Makiaria na Inooro Ruciini, maugite Bishop Ndingi ni amateithiriirie na njira nene thutha wao kuhamurithio kwao mwena wa Kuresoi hindi ya ngahiha cia kinduriri mwaka wa 1992.

Aikari acio maugite ni meriga guthii kumuona gwake mucii na kumuumiriria hindi iria aragumiirwo ni ndwari.

Muthikabu ucio arahurukire kiumia-ini giki thutha wa kuhatiririo ni ndwari kwa ihinda iraaya.

Ndingi akahurukio muthenya wa oke kanitha-ini wa Holy Family Basilica guku Nairobi.