Ndambiri kuuria Waiguru atige wira akorwo niaremetwo gutungatira muingi


Munini wa gavana county-ini ya Kirinyaga  Peter Ndambiri ni acakaiite kuihiriria kwa murimu wa Covid-19 county-ini iyo, thutha wa andu angi 20 kuonekana na murimu ucio umuthi.

Ndambiri augiite ihinda-ini iri county iyo ndiri na mbeca njiganu cia kungethanira na murimu ucio, kurumiriira ndugamano igii budget iria ikoretwo ho gatagati ka gavana wa county iyo Ann Waiguru na mbunge ya county iyo.

Nginyagia riu county iyo yandikithiitie aruaru 24, no indi ndiri iragomania itanda 300 iria ciathiririo,,Ndambiri uria makoretwo matekunana ruheni na Waiguru akimuuria atige wira angikorwo ni aremeetwo gutungatira muingi wa county iyo.

Akiaria ituura-ini ria Ndindiruku mwena wa Mwea hindi ya igongona ria mathiko, Ndambiri augiite  thibitari ya defathers nirahingirwo muthenya wa ira thutha wa mundu umwe kuonekana na murimu wa Covid-19, kuria arigitani 18 riu maigiitwo keheri-ini.

Gukiri uguo niatitirithiitie bata wa miena yeeri iria ikoretwo igiukaniriia iguithanie niguo budget ihitukio muingi wa county iyo utige guthii na mbere na guthinika.