NCIC kuurua ithukirie na urito miario ya kuleta uthu kuuma kiri atongoria


Miario ya uthu, irumi na rumena ira igukuuyirwa aaga Kenya yaumba kuthungiria nthiguru bantu atari eega.

Ikulingana na ura aari mukariri giti wa mbere wa nkiama ya urumwe na ngwataniro NCIC Dr Mzalendo Kibunjia ura augiite nkiama inu itibatiiri kurekia akenya kuthingata njira inu.

Akiaria kiri TV ya Citizen ugoro bwa igoro, Dr Kibunjia augiite makarika ma miario inu imoongerekeete anene, untu bura kamishna wa kagiita gaka wa NCIC Sam Kona akuuga buriumania anene na atongoria ba gisiasa.

Bairi baba baugiite i ngugi ya akenya bonthe kuwatanira kurwaana na untu bubu nontu kuthitanga athugaanirua gunka gutiitethia.

Ibaugiite kaigi mutaratara wa kuthitanga athugaanirua utiungurukanaga na nontu bwa itumi mwanya mwanya.

Kamishna kona nameneeretie miario ya rua ya kuruma ubisi ya rais na munini wake, akiuga atongoria ba gisiasa barirtumira miario ya kuleta uthu ta njira ya guichuira nkuma kiri mugongo waago na kuthukia utongoria.