Mwingi wa Embu gutarwa kurumirira mambura ma Madaraka Day micii kwao kuvitukira Tv na Radio


Guku vururi ukivariria gukunguira mambura ma Madaraka Day maria ni ma 57 , gwa kavinda ka mbere akenya matigekinyia igwanjari ngurani gukunguira muthenya uyu, niundu wa ugwati wa murimu wa Covid 19. Mwena wa Embu North Ocpd wa guku Emily Ngaruiya niuritie mwingi ugekara micii na kurumirira ngunguiro ino thiini wa Tv ciao na Radio tondu mutongoria wa vururi niukariria vururi kuma thingirari wa iregi guku Nairobi.
Ngaruiya augite gutingivoteka andu gwikinyia igwanjari gukunguira muthenya uyu tondu mavota kugwatania murimu uyu. Augite ta mutugo mwingi wa Embu North ucemanagia kigwanjari kia Kairuri mwena wa Manyatta nwati mwaka uyu magekara micii. Kavinda wakau Ocpd augite ugitiri niukumatua kavinda gaka vururi ugumiritwe ni murimu wa Corona na kuria mwingi kurumirira watho wa thirikari.