Mwingi kuithuka cibitari na kuthukia mwajie na nyumani kumubiithia, Kirinyaga


Ikuumire gisangasa cibitari ya kaunty nini ya Kimbimbi, Mwea kaunty ya Kirinyaga nyuma ya abiashara ba bodaboda nkeruki ya 300 kuithuka cibitari inu na kuthukia mwajie ura bakuuga imwamba wa bikibiki na nyumani baathi na kumuuragira stage ya Gwa Kariba, Mururi barabarani ya Mwea-Embu.

Kulingana na chibu munene wa Nyangati Immaculate Wanjiru, mututigi aronokiirue i maafisa ba borisi ugoro bwa igoro kuuma kiri mwingi ura ureendaga kumuuraga akiirikana kuiya bikibiki na kuirwa cibitari na maringangirwa.

Chibu uyu augiite mbere ya mutugigi kwonokua igoro, naraari kuirwa mwingi naiyiite nkeruki ya bikibiki 5 na cionthe ciithitwe nteere cia Murinduko.

Nyuma ya abiashara babu kuthi guchwaa bikibiki nteere inu cia Murinduko, beethirira nuurongo na ireo bathiire cibitari na kumuthukia mbere ya kuthi nwee kilomita itakunyiira 30 na kumuuraga.

Maafisa ba borisi kuuma Kianyaga ibathukiirie mwiri ura ukuri kubiithua na guchuira mortuary ya cibitary ya Kerugoya.