Mwekuru kwonokua i borisi nyuma ya kuithirwa nthikoni ari utheri


Borisi ba gituo kia Milaani, Masinga kaunty ya Machakos ibaralazimikire kuringa bunduki cia ruugo kunyagaaria kiridi gia akari na kwonokia mwekuru ura areethirwe akithiuruka nthiko atari nguo.

Mwekuru uyu ariirikana kwonwa naantu ba mujii wa mututigi na atuuri ntuura ya Ngwenye atari nguo, nthikoni ya muthaka ura arakuire ntugu inkai nkuruku na ambiria kuthugaanirua i murogi.

Maafisa babu ba borisi ibaramwonokiirie na nathiite mbere kuingirwa akiungwa mauri nkuruki.

Kagiitani gaku, maafisa ba borisi nteere cia Nthongoni Kibwezi kaunti ya Makueni ibaguchwaa ntomurume ura akuirikana kuuraga mwekuru wake na njira ya kumutemanga na kibanga.

Muthugaanirua ariirikana gutoroka nyuma ya kurutha unyamu bubu ntuura ya Kongo kaunti inu ya Makueni.

Mwili wa mututigi nurathukiirue na kwirwa nyomba ya kwaiga akuo ya Makindu.