Mwaria wa thirikari Col Cyrus Oguna niugite kaunti 11 niivutitue ni muthithuko wa Ngige kuuma mavururi ma muvaka .


Mwaria wa thirikari Col Cyrus Oguna niugite kaunti 11 niivutitue ni muthithuko wa Ngige kuuma mavururi ma muvaka .

Oguna akiuga Ngige ino irengivire muno nundu mavururi mama nimaremirwe kuvurana na ngige ino mbere ya guka vururi.

Kunai uguo niugite thirikari nirutite ndege cia Kiviririki kenda gutethia kuvuvira icigo iria igumiritwe ni Ngige ,

Oguna augite Kwina ikundi cia andu magana mairi aria marathii makivuvagira dawa ino ,akiuga thina munene niati niiraciarana nevenya muno na kuuga kwina dawa ya guciuraga vau vau na kwina dawa ya gwoca mathaa 72 kuraga ngige ino ,akiuga Ngige iria irai mwena wa Embu ithamirite mwena wa Kitui na Machakos.

Oguna augite maragwatanira na mavuriri ma gitaru kia East Africa na mavururi maria mai munganori wa Igad guku akiuga kwina andu airi kiumbe mavecanite ndege ciao gutethia kuvuvira ngige ino.

Mwena wake uria ugwatiririte giturwa kia minista thiini wa ministry ya urimi thirikariri ya county ya Embu , Jamleck Muturi niuritie mwingi ndugakorwe na wagagu ,nundu thirikari niithomithitie maavitha onnthe a urimi uria makuthomithia arimi njira cia kuvurana na ngige .

Muturi akiuga dawa iria iratumika kuvuvira ngige ino ndina thina kwi mwingi na iroca mathaa 72 niguo ngige ino ikue na iratethia kuinyivia niguo itikathukangie mimera na njira nene.

Mubunge wa Mbeere South , Geoffrey King’ang’i mwena wake akiuga thirikari nene ivatie kuriva arimi kumana na athara iria mathiite ya Ngige.