Mwanake uria wiriga kuuraga ithe mwena wa Murang’a kunyitirwo mwena wa Juja


Mwanake uria wiriga kuuraga ithe itura-ini ria Muchungucha gicigo-ini gia Kiharu, Murang’a, riu ni arikitie guikio ngono ni borithi.

Michael Muchiri Mwangi wa ukuru wa miaka mirongo iiri na iiri, aracukirwo mahitia ma kuuraga ithe John Mwangi wa miaka mirongo itandatu na njira ya kumugutha mutwe na cuma na gucoka gucina mwiri wake.

Muchiri arahonokirio ni borithi itura-ini ria Gachororo mwena wa Juja aria maramutharire kuuma moko-ini ma muingi uria urendaga kuiruta mathata nake.

Munene wa borithi mwena wa Juja Dorothy Migarusha, augite muikuirwo ucio riu ni athamiirio mwena wa Murang’a kuria araroka kuhingurirwo thitango ya uuragani ruciini ruru.