Mwana wa mieri 6 kuonekana na coronavirus bururi-ini


Mwana wa ukuru wa mieri 6 niumwe wa andu 80 aria maniriirwo gukorwo na murimu wa Covid-19 guku bururi-ini.
Kiriga gia kuria mwana wa ukuru ta ucio angikorwo arutiite murimu ucio ni uhoro ucungiriire minister wa ugima wa muiri Mutahi Kagwe guukiriira aciari aria matakoretwo na kihariiro hari guthingatithia mitaratara iria igathikiitwo ni thirkari niguo kuhotomia gutherema kwa murimu ucio.

Kagwe augiite ni kieha kuona muciari akiirekereria na gucooka kugwatia ciana ciake murimu,,akiuga hari bata aciari matigiire ciana ciao citiraumagara niguo gucigitira.