Mwaki kuvutha Nyumba Mombasa Bombululu


Andu kauta yu tii nimaendee na ukwata uiiti sivitalini kivathukanio kauntini ya Mombasa, vala masembwa itina wa mwaki munene kuvutha ploti imwe ngaliko sya Bombolulu – Nyali kaunti ya Mombasa.

Munene wa volisi kisioni kyu kya Nyali Daniel Masaba niwatavya mbuluti ya mauvoo kana, mwaki usu wambiia ndakika mbuthu mbee wa saa itatu utuku, kuma nyumbani imwe ya ploti isu ya KISWAHILI na kunyaiika kwa mituki nginya nyumbani ila ingi.

Ingi niwaweta kana, atui nimo mavika kwa mituki na mambiisya kwitaana ala meii plotini isu, na mamasembya sivitalini kivathukanio na ingi, matetheanisya na maovisa ma kukitana na mbanga sya myaki kuma silikalini ya kaunti ya Mombasa kuuvosya, indi wavutha mali ya lato munene plotini isu.

Umo wa mwaki usu ndunamanyika,volisi measya ukunikili niwambiia.