Mwaki gututhuka Gikomba


Atongoria a county ya Nairobi County magitongorua ni Senator Johnson Sakaja na mubunge wa Kamukunji Yusuf Abdi, nimauritie avuri biashara thokori ya gikomba kurutithania wira na thirikari ya county ya Nairobi niguo gwaka varavara thokori ino na kugia njira cia kuria ngari ingivitukira.

Atongoria aya nimaragia vuva ya gwikinyia thokori ino kuria makiria ma thitoo magana matano igumirwe ni ninimbi cia mwaki na kuuga angikorwa kurai na varavara mbega mwaki uyu nungivorirue.

Uyu ni Mubunge wa Kamukunji Yusuf Abdi

Na miario yake ikigwatwa mbaru ni senator Sakaja akiuga kwina mivango ya kuriva avuri biashara na gwaka thoko ya kiriu.

Mwaki uyu uvivirie mwena wa Daraja na Jua Kali aria mendagia nguo magitara athara nene ,kunai uguo gutie mundu utivirue mwakiri uyu.

 

Thoko ya Gikomba niyo nene muno ya Miariro vururi na ikoretwe ikigumirwa ni miaki ya vindi ya vindi ,amwe a avuri biashara makiuga ikoragwa njama ,Na nginya umuthi miaki yonthe yanagumira thoko ino ndianamenyekana kiumo kiayo.