Mwajie urari na coronavirus kwora, rais Uhuru gutangaca


Rais Uhuru Kenyatta natangacite kwora kwa mwajie uragwatikene na virus ys corona.

Bubu ni kiri ntumiri yawe narua ugoro kiri nthiguru, buria augite ni kionaniria ati tukombana kiri kurwaa na virus iji.

Kunari uu natangacite gukujirwa kwa makarika jangi jathatu ja ajie ba virus ya corona, na gwankia mungana jwa ajie ba virus iu 28 aja Kenya.

Oo kiri wiru bwa kurwaa na mutumuko jwa virus ya Corona, rais natangacite kunyiua kwa micara ya ariti ngugi anene ba thirikari, mucara jwa rais na munini wawe jukinyiua na gicunci kia 80,
jwa minista na aminista atetheria kunyiua na gicunci kia 30 nabo aandiki na gicunci kia 20, na kuria ndwnagi ingi cia thirikari ithingatire mukondo juu kwonokia mbia kiri urui na Covid-19.

Rais Uhuru nkuruki naritite watho bwa antu bakaumagara kaja kwambiria thaa imwe cia ugoro mwanka thaa kumi na imwe cia rukiiri, watho buria bukambiria kuingua jumaa iji.

Gwanka nandi, ikuu nkuruki ya ngiri 19 kumana na virus ya corona nibikujiri nthigurune yonthe, antu nkuruki ya ngiri 400 bakigwatithua yo na bangi nkuruki ya ngiri 100 kwora.