Mutumia kuvukya mwisukuuwe Kalandini kwangindu Kitui


Mutumia wina ukuu wa myaka 65 Kuma utuini wa Kalandini, ula wi lokeshenini ya Kwa Ngindu, Kyangwithya ya umiloni wa sua, Kitui kya kati kauntini ya Kitui, ni uendeeye na kusiiyiiwa kiseseni kya volisi kya Kitui, aikonanw’a na mavityo makukavukya kamwisukuuwe kake kena ukuu wa myaka 10, na kala ni mumanyiwa Wa kilasi kya 3 sukuluni umwe wa musingi kisioni kyu.

Mauvoo asu nimaikiithw’a ni munini wa chief wa sub location ya Kwa Ngindu Joseph Musili, ula waweta kana mutumia usu, nukumilwa kotini nikana akomanw’e na miao.

Oingi, Musili niwaumya ukanyo muvyu kwi mundu wonthe ula wina mituo ya muthemba usu, kana akwatikana eithiwa ayiosewa matambya metu ma kii miao.