Mutumia gutumura gicanjama igoti-ini akiuga nimaciariire mwana na Maraga


Mawakiri a mucirithania munene David  Maraga nimagithiitie kiene maratathi maria matemanirio igoti-ini ni mutumia umwe akiuga nimagiire mwana nake  no indi akimutiganiria.

Matongoretio ni Danston Omari na Anita Masakhi, mawakiri acio maugiite kandi ya guciarwo ya mwana ucio ni ya maigirira amu ndironania maritwa ma mami wao,,na uguo ciira ucio urongoreirie guthukiria  Maraga ritwa maitho-ini ma muingi.

Mutumia ucio Mary Kwamboka ekinyirie  igoti-ini ria Milimani, kuria atumuriire gicanjama akienda igoti riu riathe Maraga amuneage makiria ciringi ngiri 160 cia kurugamirira ngarama ya kurera mwana ucio wa ukuru wa miaka 6 na kumuthomithia, hamwe na marihi ma nyumba ma o mweri.

No kurerikana uhoro wa kwihokeka urauga ciira wake  ndunandikithio  kuona ndanariha marihi maria mabataranagia mbere ya ciira wamukiriitwo igoti-ini.