Mutongoria wa bururi wa Mali Ibrahim Boubacar Keita guteaniria igoti ria gi-gatiba


President wa Mali Ibrahim Boubacar Keita ni ateaniirie igoti ria gigatiba, igeria-ini ria kuhorohia mirurungano ya muingi iria ikoretwo igithii na mbere muciini munene wa Bamako.

Arurungani acio makoretwo makihinyiriria mutongoria ucio eyeherie wathani-ini na kuumbwo thirikari ya ituika.

Nginyagia riu andu matanyihiire ana ni mooragitwo nditimurano icio iria ciambiririe muthenya wa iyo, guku arurungani makimundia matari miaki na kuhinga batabara nyingi.

Igoti ria bururi ucio rikoretwo rigitungio mbukirira thutha wa guteaniria maumirira ma mbere ya ithurano cia umbunge iria ciathararire kuri mweri wa gatatu mwaka uyu.

President Keita augite ni ekwamura acirithania eru ohamwe na kumba thirikari ya ngwataniro, ona gutuika mung’ethaniro ni uteaniirie murugamo ucio makienda atige wira.

Bururi ucio wa Ithuiro ria gitaru kia Africa ukoretwo ugumiirwo ni mbaara gatagati ka mbutu cia thirikari ni itoi cia gi-ithiramu, undu uria utigite andu makiria ma million imwe matari na uikaro.