Muthuganirua wa uragani Jowi kurekerua na mungana jwa Sh2m


Muthuganirua munene kiri kuragwa kwa mubiashara Monica Kimani narekeretue na mungana jwa shilingi milioni 2 mbia baribari.

Joseph Irungu wijikene mono ja Jowie kunari uu nakubatara kuringaga riboti obicine ya chibu naria nja kwa aciari bawe kaunti ya Nakuru o mweri, kuringana na mawatho jaria arekeretue najo.

Korti oo nimurigiritie kwariria igamba riria ritite mbere o kunthe burio mitandaone.

Indiria akimurekeria na mungana, jaji James Wakiaga naugite akuuji baria barari rungu rwa mubango jwa gukaria akuuji igambene riu tayari nibaritite ukuuji bwao na batiringithua ni kurekerua kwa muthugnairua uu.

Jowie nethiritwe ari rumande kuuma September 2018, na kurita iromba ria kuria kurekerua na mungana November mwaka muthiru akiuga naangaikite mono ari nchera ya Kamiti Maximum.

Kiri iromba riawe naroritie korti itegere kagita karia akarite rumande na kumurekeria.