Mutandithya wa matunda kutiwa ni thayu ang’athuka Old Town Mombasa


Maovisa ma utheu silikalini ya kaunti ya Mombasa me ngwatanio na maovisa ma volisi nimambiia kuthiana kiko kimwe vala munduume umwe na ula ni muthoosya wa matunda wang’athuka na atiwa ni thayu wake vakuvi na soko wa Marikiti ngaliko sya GANJONI – OLD TOWN katikati wa musyi wa Mombasa

Kwianana na ala makusiia mbanga isu meweta kana, munduume usu aamukie kioko na ambiia kuvanga matunda make kivandani, vala ukuweta ta wambiia kwoneka aiveva kiemelwa na itina avaluka na atiwa ni thayu.

Ingi nimaweta kana,munduume  usu ndanamanyika kila kyatuma atiwa ni thayu wake, itina wa kuwetwa ta utethiawa na mathina ma mwii.

Kwianana na Munene wa Volisi kisioni kya URBAN Elid Monari eweta kana, maovisa kuma muviani wa uima wa ene nthi nimavika na kwambiisya ukunikili wa mituki, vala mwii usu woovwa nesa na watwawa nyumbani ya kusuvia mii ya akw’u ukunikili uendee kumanya umo wa kikw’u kyake.