Musumbi Uhuru Kenyaatta nuthangaaisye atandithya kuma nthi ya Uugeresa meyumilye na kwikia mawia vaa Kenya, ayasya Kenya kati ka nthi sya Africa yina myanya mbingi ya kwiyiuna kii utandithya.


Musumbi Uhuru Kenyaatta nuthangaaisye atandithya kuma nthi ya Uugeresa meyumilye na kwikia mawia vaa Kenya, ayasya Kenya kati ka nthi sya Africa yina myanya mbingi ya kwiyiuna kii utandithya.

Uhuru ula ukuneena kikaloni ki mwanya kya nthi syoonthe ku nthi ya Uugeressa na kila kiukonia maundu ma utandithya, nunenganie ngelekanio ya myanya ya mawia ta wa kwikia mataa ma maleluni vaa Ilovi, kisese kya kuthinikiaa maundu ma uiiti ma uwau wa Cancer kila kikwakwa ngaliko sya Meru,Walanio wa ukui wa mituki ula uutumia basi vaa Ilovi,sivitalini munene wa Kinyaata, kisukio kya Meli kya Lamu kati wa milati ingi

Uhuru easya mivango ya uneenania niyambiiswe kati kati wa muvia wa kinandu vaa Kenya na muvia wa nthi ya uugeresa wa kuungamia kii ilovia maundu ma utandithya, nikana mewe me athokye Kenya, kwikia mawia.

Kuatiania na mivango isu,silikali ya nthi ya uugeresa kwisila muvia wa kunengane mautethyo, nikunengane kimanza kya silingi bilioni 8 na Nusu, ila siutumika kuungamia walanio wa waki wa nyumba ngili 10,000 sya ndivi sya nthi, ila ni nzeo na ikwakwa mawithyululukoni ala mailite.