Murutani umwe kuuragwo ni aici a mahiu Laikipia


Gukirite kieha itura-ini ria Lonyeki wodi ini ya Sosian kaunti-ini ya Laikipia- thutha wa mundurume umwe uria ni murutani, kuhurwo rithathi na kuuragwo

Erupe Nakeno uria urathomithagia thukuru wa Demese mwena wa Nyahururu, erikanite kuhururwo rithathi ni aici a mahiu aria mamahithukagira mahinda kwa mahinda hindi iria aragereragia kung’ethanira nao macokie mahiu make.

Munene wa borithi mwena ucio Moru Kotobo augite uici uyu utabanitio mathaa-ini ma utuku wa gukia umuthi no indi maobithaa ake a borithi ni marikitie kwambia mihang’o ya kuhitana na miitu ino niguo magerie gucokia mahiu maria maretharirwo namo, mwiri wa mundurume uyu ugithamirio mocari-ini ya nyahururu.

Ni njuragano yukite, thiku igiri thutha wa mundurume ungi gukorwo oragitwo gicigo ini gia Shamanei, o kuu Laikipia East , na mwiri waake ugateyo rwere ini rwa barabara, riu muingi wa gicigo kiu, ugikaira thirikari kumakua tha, na kuhiuka kuhitana na uhaguku wa ugitiri