Muoroto wa DCI kururumura macira ma ngahiha cia thutha wa ithurano kunyururio ni muingi wa Kuresoi


Aikari a gicigo gia Kuresoi ni manyururitie itua ria mbutu ya DCI ria kururumura macira ma ngahiha cia thutha wa ithurano cia mwaka wa 2007/ 2008.

Murugamiriri munene wa DCI George Kinoti augite itua riake riukite thutha wa muingi wa matuura mamwe kwambiriria kurutirwo mikana ya kuhamurithio.

No aikari aria magumiirwo ni ngero icio maugite ndeto iyo yahota gucungirira wagagu na kumamenithania na mithingi ya kinduriri.

Aria maaritie na Inooro Ruciini maugite ni marekaniire, magitaariria ati thirikari niyo yamatirikire na njira ya kurega kumariha ngarama ta uria yeraniire.