Munduume kwing’ela Syumile Makindu Makueni mathina miangiva


Ene nthi nimatawa ila meethiwa na ithokoo makamanthaa usungio wa ithokoo isu kwa nzia ila yaile vandu va kwosa matambya matemaseo ta kuwaana kana kwiyumya thayu.

Kiu ni itina wa munduume umwe kuma sublokeshenini ya Syumile subkauntini ya Makindu kauntini ya Makueni kwithwa eeyumya thayu kwa kwitila ngingo na kavyu.

Munini wa chifu wa syumile Samuel Muthondwe easya kana kwiyumya thayu tiwo usungio wa mathina.

Munduume usu ewetwa ta unatianie na muka mwaini wa 4 mwaka uu, naa kuma ivinda yiu ethiitwe na mathina maingi.