Mundu murume wa miaka 35 kuvurwa rithathi ni polithi Embu


Mundu murume wa ukuru wa miaka 35 ararigitirwa thivitari nene ya Embu aina ndivangio cia rithathi vuva wa kuvurwa rithathi ni maovitha a polithi iturari ria Karuri mwena wa Embu West county ya Embu. David Kivuti atharikirwe ni maovitha athatu a polithi riria ke na anyanya ake makwigaga Lorry vuva wa kuma Nairobi gutwara mirigo. Kuringana na Antony Muchangi umwe wa aria maraina Kivuti kuma Nairobi, augite marai vingo makinya kuma Nairobi gutwara mirigo na Lorry na makinya Karurina matharikirwa ni andu athatu maina ngari nini ya mundu kiumbe makiuga ni polithi. Muchangi augite maovitha acio matiraina uniform na marerikana nimaranyuite njovi.Margarate Muthoni nyina wa mwanake umwe augite eguire ngucani vuva wa kwigua muchinga warira na kuria ovitha ucio amurathe.