Mundu murume kuthitangwa na mavitia ma kwiya thuruvari


Mwanake wa ukuru wa miaka 27 niwakinyua igotiri ria Embu umunthi na kuthitangwa na mavitia ma kuvunja nyomba yene iturari ria Mikimbi mwena wa Embu North na kwiya indo cia ciringi 1,500. Dickson Kithinji niugumirirwe ni nthitango ingi ya kwiya nguo cia ndari. Kunai uguo akinyua mbere ya jaji wa igoti ria Embu Tony Kwambai Kithinji niukanire nthitango icio. Igoti ririrwe ati tariki 28 mweri wa gatano mwaka uyu kindu thaa ikumi na imwe cia kivwai iturari ria Mikimbi , Kithinji niwavunjire nyomba ya Juliet Nyaga na kwiya thuruvari cia ndari cia ciringi 1, 500. Kurerikana Juliet anyitanire na andu a itura na makithii nginya nyomba kwa mwikuirwa kuria makorire thuruvari na makimenyithia polithi a station ya Manyatta aria maikirie ngono mwikuirwa. Jaji niurekirie mwikuirwa na bond ya ciringi 15,000 na kwathana cira uyu ukathikirirua tariki 29 mweri uyu.