Mumbunge Oscar Sudi guthitangwo niundu wa kuruma Uhuru na bamiri yake


Mumbunge wa Kapseret Oscar Sudi ni atanyitwo kurokio igoti-ini inene ria Nakuru gucokia thitango ya gutuuhuka miario ya rumena kuri mutongoria wa bururi Uhuru Kenyatta na bamiri yake.

Sudi araire thero ceceni-ini ya borithi ya Central kuria arathamiirio thutha wa kuineyana kuri borithi mwena wa Langas.

Wakiri wake Gladys Shollei augite miario ya Sudi ti ya ucogeri agitaariria ati ni mehariria kumutetera wona arugamio mbau-ini.

Ihinda-ini o riu maabithaa eri a borithi aria marutaga wira wa kurangira mutongoria wa bururi ni amwe hari ekuirwo mugwanja aria matanyitwo guthitangwo mwena wa Eldoret.

Ekuirwo acio maahobanirio mucii gwa Sudi utuku wa gukia Jumamothi hindi iria borithi mathiite kumuikia ngono.

Nginyagia riu gutikurikanite kiria maabithaa acio a kurangira President Kenyatta meekaga mucii gwa Sudi.

Ekuirwo makuruhanitio na mahitia ma kung’ethanira na borithi na njira ya kumagiria guikia Sudi ngono.