Muingi wa Laikipia gutetia mathina maria macungiriirwo ni kumomoka kwa ndaraca


Aikari a matuura ma Ithanji na Kabendera mwena wa Laikipia ya Ithuiro ni magumiirwo ni moritu mihang’o-ini ya ukui iguru ria kumomoka kwa ndaraca iria imanyitithanitie.

Ndaraca iyo iria ikiraniirie ruui rwa Kariminu yamomokire makiria ma mwaka umwe muthiru na kuiga miikarire ya muingi ugwati-ini.

Makiaria na Inooro Ruciini, aikari acio maugite marathiururuka makiria ma kilometer ithathatu niguo maringi ruui ruu, thina uria marenda wetherwo kihonia kia naihenya.