Muhunjia kuhahama kimuiri twana twa tuhii mwena wa Gatundu


Ihinda-ini riri mathukuru mahingiitwo kuumana na kinguki gia corona, ciana nyingi guku bururi-ini cikoretwo cikuriirwo maitho ni mogwati kihiiri.

Kwa muhiano mwena wa Gatundu ya muhuro county-ini ya Kiambu, muhunjia umwe akoretwo akihenereria tumwana twa  thukuru  na gucooka gutuhahama kimuiri,na gututiga na ironda nene cia ngoro na meciiria.

Muhunjia ucio uria ukoragwo na kanitha mwena ucio ni ari mutumia na ciana igiri, indi akoretwo agithukangia ciana ciene thutha wa gucihenereria na migate na sonda.

Na ta uria mwandiki witu Moses Ngigi aratariria andu a ituura riu maugiite ona niakoretwo akiguriira ciana cia tuhii thubu wina ndawa niguo twanyua tukeriigwo niguo ahote gutwagania atekugiginyana.