Mubunge Johana Ng’eno kuuga ari tayari kuuma KANU, ithurano binini biruthwe


Mubunge wa Emurrua Dikirr Johanna Ng’eno nauriitie utongoria bwa kiama gia KANU kuthi mbere na kumuruta kiamani akiuga ari na mma akabashinda arungi na kiama kingi kiri ithurano binini.

Akiaria igoro nyuma ya kurekua i koti ya Nakuru na bodi ya Kshs 2m kuumania na igamba rira ari nareo rea kuruta miario ya kuleta uthu na kwagira gitiiyo rais na mujii wake, mubunge uyu augiite ataaritwe kutheteera antu indi ti kiama.

Nkuruki nameneeretie bara bakuuria munini wa rais William Ruto kuromba urekeri bantu aake akiuga gutiri bantu miario yake ikuumania na munini wa rais.

Ng’eno augiite atiri na untu nwa buriku na atiromba urekeri kiri muntu nwa uriku indi akaira rwaria mbungeni kwendekithia ugaruruku bwa katiba kwona rira atongoria bairi banene ba thirikari baaremwa kuwatanira, thirikari inu wigue nea kaunty kana ira nene ikaaraganua.