Mubunge Alice Wahome kugwata mbaru wendekithia bwa kubunjia mbunge


Mubunge wa Kandara Alice Wahome nauritie rais Uhuru Kenyatta kubunjia mbunge kulingana na mataaro ma mugambithania munene David Maraga.

Wahome natheteerete mataaro ma Maraga kiri rais akiuga abunge batibatiiri kumumeneeria nontu ga akuruta ngugi yaake kiwatho.

Akiaria ari nteere cia Kangaita kaunty ya Kirinyaga, Wahome augiite rais atiri na bungi tatiga gutuma abunge ba mbunge inu ciiri mujii na kwaa akenya kanya ga gutaara bangi.

Nameneeretie nkiama ya uruti ngugi bwa mbunge ya PSC na akenya bangi bara bathiite kotini kuregana na mataaro mamu ma Maraga akiuga guku iguta kaanya.

Mubunge uyu augiite nwigiitue bakigeria maita kathumba kwereka abunge antu arume kugwata mbaru rwaria rwa ugananu bwa antu aka na antu arume rura rwiriga kwirwa mbungeni i mubunge wa Garissa Town Aden Duale.

Kuri ntugu ya Nchumatano, mugambithania Weldon Korir naarutire watho bwa igiita bwa kurungika mataaro mamu ma Maraga mwanka igamba rira riiritwe kotini rithikiirue na kugiitwa.