Mubango wa NMS kuruta matatu gatigati ka Nairobi kumeneerua


Mubango wa murugamiiri munene wa rwong’i rwa Nairobi Metropolitan Service NMS Muhammed Badi kuruta buru nkari cia ukamati bwa mwingi gatigati ka mujii munene wa Nairobi numeneeretue anene.

Mwandiki munene wa biama bia nkari cia ukamati bwa mwingi aaga Nairobi Wambugu Kanoru augiite untu bubu ibugereetue agu kabere indi bwarema kuumania na wingi bwa nkari ikiringithanua na guntu ikwathurirwa.

Miario inu niwetwe mbaru i mukariri giti wa nkari cia route ya Kawangware Stanley Mugweru.

Bairi baba baugiite Badi abatiiri kuleta amwe akuria bonthe kiri rwong’i rwa ukamati kubaangira untu bubu.

Untu bubu nkuruki ibureganiitwe nabu i madereba na conductor bakiuga ria muthia rira gavana Sonko aagereetie ikwaari na mutindikano umunene wa nkari.

Kulingana na Badi, nkari ira ukeegua ikiiya na barabara nene ya Thika ireogo cia kuuma Embu na Meru igaankaga Ngara nacio cia Machakos na Lang’ata kurikiiria ng’endo nteere cia Railways Club, mubango ura ukaarugurua i rais Uhuru Kenyatta mweri wa 11 mwanka uyu.