Mor maduong ne okwako skunde ma County ma Siaya kaluwore gi duoko maber mar KCPE


Mor maduong ne okwako moko kuom gwenge mag mag County ma Siaya e seche mane skunde jodhiyoe nyime gi yudo duoko mag penj mag class 8 mane owuok ayanga ei kawuononi

E Bondo Township Primary School e Sub County ma Bondo e County ma Siaya jonyuol kod tend skundno ne jochokore kamoro achiel ka gimiel kod wer modhi wang achiel kane gipako nyathigi mane otimo maber e penj mar class 8 no maen Masinde Joshua Nigel mane oyudo marks 420 e penj mag KCPE mane owuokno

Mamoko mane oyudo marks chakre 400 kadhi nyime ne oting’o Onyango Cecil Miller mane oyudo marks 409 , Shisia Euphrase Ashuma mane oyudo marks 407 kod Henry Odhiambo mane oyudo marks 403

Maendi bende ne obedo Wango Christian Academy ei Bondo ma Enoch Excellent Otieno ne oyudo marks 417 kane iluwe kod Pacifique Pauline Akinyi mane oyudo marks 400 kaeto iluwe kod Fidel Ochieng mane obedo namba 3 gi marks 392

E Awelo Primary School e Sub County ma Alego Usonga Martin Okoth ne yudo marks 400 ka iluwe kod Ferdinand Ochieng gi marks 390 ka Kimberly Joy Odhiambo ma Lwak Girls Boarding Primary School ne oyudo marks 386