Mite kamuget komakiitchi eng konekit eng kanisosiek chechang eng county nebo Bomet ngatutik chekikon serkali.


Ngatutik chekotet serkali chemagat kosuldae komaswek chekeyoe sautik komawekchigei yaetab sautik komite kamuget komakiitchi eng konekit eng kanisosiek chechang eng county nebo Bomet.

Kaibor chigilisiet nekayai Chamgei Fm eng alak eng kanisosiek chemite nganasetab Bomet kole alak eng kanisosiechotok kotinye kamuget konyor bik ak sabunit cheboisie membaekwak ak tuguk alak chemagat eng boriet nebo miondoab Corona.

Agot kounotok komaimuch kanisosiek tugul eng Bomet kotesetai sautik eng betutab rani.