Mitaratara ya kurigiria gutamba wa corona kuthingatiirwa mathikoni ma Murunga, kamiti kuuga


Kamiti ya mbunge ira itaaritwe kubangania mathiko ma ura araari mubunge wa Matungu Justus Murunga neambiritie mibango ya mathiko mujii wake ntuura ya Makunda gishigo giku kia Matungu, Kakamega.

Amemba ba kamiti inu batongoreetue i mubunge wa Mumias East Benjamin Washiali, wa Ikolomani Benard Shinali na senator wa Kakamega Cleophas Malala baugiite mathiko mamu makaaruthwa kuringana na mitaratara ya thirikari ya kurigiiria gutamba wa corona.

Ibauriitie mwingi ura ukeebumiria kiri mathiko kuthingatiira mawatho ma ministry ya ugima bwa mwiri neo thirikari ya kaunty ya Kakamega ikiurua kwaa antu mask na kwona kuri na ruuji rwa kugana kuthamba njara.

Akiaria kiri gikaro gia ntugu ya igoro, mubunge wa Ikolomani Benard Shinali nameneeretie mutugo wa antu kuthi kotini kurungika mibango ya mathiko rira muntu aakua akiuga guku ikwagira gitiiyo ura akuite.

Augiite ibwega koti itige kurungikaga mathiko nabo bara bari na untu bwa kwenda kugairwa into, barikia kuthitanga bakeeyana kanya ka mathiko riru igamba rikathi mbere nyumani.