Mitaratara mieru ya ukamati mirigo gwikwa, kwmabia kuritithua ngugi June 1


Mirigo yonthe gwikua Uganda, Rwanda na South Sudan nandi igakamatagwa na SGR mwanka Naivasha kana gituone kia ngari cia mwanki gai Tororo, kampala kuuma June 1.

Mirigo iu yakinya Naivasha, ikajukua imwe kwa imwe ni malori gwita nthigurune iu gukurukira Busia kana Malaba.

Kiri ntumiri, minista wa ukamati James Macharia nongerete kuuga into bia maguta bigakamatwa gukurukira mibereci yajo gwita Kisumu na nyumene gukurukira iria ria Victoria gwita kirungamone kia meli kia Bell kana Jinja.

Minista uju nkuruki nakuuga mirigo iria igakamatwa na SGR igekairwa gintu gia kuthingatua kwayo iri Naivasha.

Kuringana na Macharia, into bionthe gwikua oome ya nthigurune bikamba gukinyagua gituo kia Naivasha mbere ya bikua kirungamone kia meli kia Mombasa.

Mitaratara iu yonthe ikambia kuritithua ngugi June 1.