Ministry ya ugima bwa mwiri kuringwa njeki kiri ndwaa na Covid19


Ministry ya ugima bwa mwiri niringi njeki ni kigina kia mungana jwa mwingi ngwatanirone ya manthiguru, UNFPA, kiegie mantu ja uciari na mungana jwa mwingi, na kiama kia mutharaba jumutune aja nthigurune, na utethio bwa mbia na PPE gutumirwa ni ariti ngugi ba ugima bwa mwiri kagita gaka.

Agitumiria bubu mwandiki munene murungamiri wa ministry ya ugima bwa mwiri Dr.Rashid Aman naugite into biu bigatetheria anene kiri gutetheria ukaria bwa ariti ngugi ba ugima bwa mwiri kagita gaka ka murimo jwa Covid19.

Ni into biria augite bigatambua kiri kaunti mwanya aja nthigurune.

Dr Ademola Olajide ni murungamiri wa UNFPA aja nthigurune, agitariria utethio mwanya kiri ministry ya ugima bwa mwiri kugwata mbaru wiru bwayo bwa urui na corona.

Dr Ademola oo naugite ati nibakumenya o bweega iguru ria rwaria rwa uciari ruria rukitie anga anga aja nthigurune, kwongereka kwa mau ja aana ba aari na ndwaa cia kimucii kagita gaka.

Niuntu bwa untu bubu.

Ruterene rwawe munini wa mwandiki munene wa kiama kia mutharaba jumutune aja nthigurune Annete Msabeni naugite nibetite mbere kugwata mbaru wiru bwa thirikari kiri ndwaa na corona na njira mwanya ta uju.