Minister Kagwe kuga ruciu niakanirira mitaratara mirumu makiria ya kugitira Akenya kuumana na coronavirus


Thirikari niyanirire kugathika mitaratara makiria niguo kuhotomia gutherema kwa murimu wa COVID-19 uria nginyagia riu ugumiire andu 25 guku bururi-ini.

Minister wa ugima wa muiri Mutahi Kagwe niwe waniririe uhoro ucio akiuga makinyaniirie kugathika mitaratara makiria thutha wa kuona akenya aingi matikoretwo makirumiiria mitaratara iria igathikiitwo ni thirikari niguo kugiriria murimu ucio gutherema makiria.

Na bururi wa Kenya waya guikora itari-ini ria mabururi mangi maria magumiirwo ni murimu ucio na njira nene,na thirikari gucungiriirwo kurugamia mihango yoothe na kuhotomia akenya kuumagara.

No akenya aingi maugiite thirikari ona niicereirwo kwaniria ihinda ria wihuuge, makiuga maihango yoothe igabatii kurugamio na akenya maikare mucii nginyagia hindi iria murimu ucio ugathira.