Minista Kagwe gwika wirane kwithura na kwingata mafisaa aania kiri ministry yawe


Minista wa ugima bwa mwiri Mutahi Kagwe nekite wirane kwithura na kwingata mafisaa aania kiri ministry yawe baria bakugita winyangia.

Akiaria gikarone kia narua kiegie murimo jwa Covid19, Kagwe nakuthumbia baria etite ngii iria cioragia nyama, kumana na riboti cia ruaa cia nkukuu ministrine iu, umwe na winyangia na utumiri buthuku bwa into bia utethio bia gwikaria kumana na corona bikumenyekana ja PPE.

Minista uju uria ruaa wiriga kuthamia mafisaa batikunyiira 33 kuuma gikarone kinene kia ministry ya ugima bwa mwiri kiri kiria kionekanite ja itua ria kurwaa na ikundi bia aania ku nongerete kuuga ati rwangi rwa DCI kwa nandi nirugucunkuna makarika jamaingi na matua jakajukirua baria bakagwatikana na maitia.