Mii ya andu eli ala makuiwe ni kiw’u kya usi wa Makutano Maluma,Kathukini Sublocationi,location ya Muthesya ,sub kauntini ya Masinga countini ya Masaku utuku wa kuamukia umunthi niyooneka


Mii ya andu eli ala makuiwe ni kiw’u kya usi wa Makutano Maluma,Kathukini Sublocationi,location ya Muthesya ,sub kauntini ya Masinga countini ya Masaku utuku wa kuamukia umunthi niyooneka.

Mauvoo asu maikiithwa ni munini wa chief Susan Nyamai ula wasya kana asu mei munduume na mundu muka.

Kungi,Andu angi 3 nimakuwa ni kiw’u kya usi wa Kyeteni ula wi Masinga kauntini ya Masaku utuku wa kuamukia umunthi.

Asu 3 umwe ni mutwai wa Mota na asu angi ni kiveti na mwiitu wakyo.

Asu mekilaa usi usu wa Kyeteni melekele town ya Masinga kuma ngaliko sya Itunduimuni, ila yi location ya Ikaatini.

Chief wa location ya Masinga Henry Nyilu easya mwii wa mundumuka usu na mwanae nisyooneka,vala yaumwa na yatwawa nyumbani ya kusuvia akw’u ya Mbaku fumeral Matuu Yatta,vala mwii wa mutwai usu wa Mota uendeeye na kumanthwa.

O na uu wiovo, i mota ya ula eimakuite asu niyooneka.