Mierekera ya guchokwa wa cukuru


Ministry ya kithomo aaga nthiguru nirutite mworekera ura ubatiiri kuthingaiirwa rira cukuru ikaarugurwa gukaria aritwa na arimo kuumania na ugwati bwa nchoma ya Corona.

Kulingana na mwerekera uyu, miceetho ya cukuru na mantu mangi mara imakuleta biuthurano bia aritwa imaringitwe marufuku.

Nkuruki, desk cia aritwa ikaabangwa na laini cionthe ichubiite mbere kwona aritwa batiracubana uthiu kwa uthiu, itiganiite na kanya ka mita imwe na ikaanguragwa kira igiita.

Kulingana na riboti ira irutiitwe i mwandiki kiri ministry inu belio Kipsang, assembly cia aritwa utiigua ikiruthwa na bantune aacio aritwa bakaruthaga micemanio ya iraci na kwegwa matangazo.

Kiri cukuru ira cieyaga aritwa mathomo ma kubutira, ikalazimika kurungika untu bubu mwanka rira ministry ya kithomo ikaruta mwerekera iguru ria mathomo mamu.

Kila kiraci ukeegua kiri na kagiita gakeo kuthi kurea kurigiiria mutindikano wa aritwa guntu wa kuriira na arimo ukeegua bakinogoka magiita mwanya kwona batirauyura ubisi kwa igiita rimwe.

Cukuru ikalazimika gukamataga aritwa kubaira cukuru na kubachokia mijii na kira igiita nkarini ukeegua bakariite na kanya ka mita imwe na kila muritwa eekirite mask.

Mwanya na mamu, kira cukuru nwa mwanka wigue iri na ruuji na sabuni ya ya kugana kwona aritwa ibakuthamba njara bura kubatiiri.