Miario ya kuiguithania gavana Waiguru na ma Mca kwambikwo


Ajumbe mbunge-ini ya county ya Kirinyaga nimahithuriitie ati miario ya kuhorohia ngucanio iiria ikoretwo ho gatagati kao na gavana Ann Waiguru niikoretwo igithii na mbere igitongorio ni gikundi kia Mt Kenya Foundation.

Matongoretio ni Mca wa Tebere Gudson Muchina, ajumbe acio maugiite wuiguano uria urarimirwo ni wa gutuithania ndugamano igii budget niguo muingi wa county iyo utige guthiniika,, indi matiraririria iguru rigii  ngurani cia kiuteti gatagati kao na gavana Waiguru.

Muchina ningi niatheretie ati matiraciriira budget iria mahitukirie mbunge-ini  kuona ni irikiitie gutuika watho thutha wa gavana kurega kumikira kirore,,,akiuga kiria meheaniite kwariria ni budget nini yakuihuririria kigina.

Gavana Waiguru akoretwo agiukiriira ma Mca akiuga marahuthira budget kumuhahithia thutha wa  miito yao ya kumuhagura kuhotomio ni mbunge ya senate, Muchina akiuga ninginyagia maundu maria matunyukithirio na mbeca cia bursary na mbeca cia ukuria wa ward ciao icokio niguo metikire kuiguithania.